İLK TOPLANTI - MEHMET AKLA TANIŞLIQ. FOTOQALAREYA

Günorta yeməyindən sonra planlaşdırılmış toplantıda maraqlı bir məqam artıq komanda ilə birlikdə iş başında olmuş Mehmet Akın komandaya tanıtdırılması idi. Saat 14:15-də baş tutan yığıncaqda ilk olaraq komandamızın baş məşqçisi Rasim Kara sözə başladı. Futbolçulara yeni ilin xeyrli olmasını diləyən çalışdırıcı qış hazırlığının əhəmiyyətindən danışaraq futbolçulara komandamıza yeni transfer olunmuş Zaur Həşimov və gənclər komandasından çağrılmış Elhad Əhmədov və Orxan Xanlarovu təqdim etdi. Antalyada 21 günlük hazırlıq keçəcəklərini, hazırlığın proqramından danışdıqdan sonra Rasim Kara Mehmet Akı futbolçulara təqdim etdi. Ankara spor akademiyasının məzunu olan Mehmet bəy futbolçuları salamladıqdan sonra qısaca özü haqqında məlumat verdi.(Mehmet Akla müsahibəni tezliklə saytımızda oxuya bilərsiniz). Sonra isə Komandaya gəlişi haqqında və futbolçularla hansı prinsiplərlə işləyəcəyi haqqında danışdı. Günün-gündən dəyişən futbol dünyasında bu oyunun artıq bir elmə çevrildiyini, futbolun öyrənilməsinin taktiki,metod və s. kimi ünsürlərlə xarakterizə edən Mehmet bəy futbolçulara video görüntülərlə dözümlülük, qüvvət, fiziki hazırlıq, çeviklik  kimi predmetlərin nə qədər önəmli olduğunu və müasir futbolçunun adı çəkilən məsələlərdə nə qədər uğurlu olmasının onun formalaşmasında olan əhəmiyyətindən danışdı. Mütəxəssis eyni zamanda məşq sistemində tətbiq olunacaq yeni metodların təsirinin futbolçuların işinə nə dərəcədə ciddi yanaşmasından asılı olduğunu da bildirdi.

Gün ərzində baş verənləri FOTOQALEREYA bölümündə izləyə bilərsiniz...

Bütün bu və ya digər yeniliklər haqqında hər şeyi müfəssəl öyrənmək istəyirsinizsə saytımızı izləməyi unutmayın...