İLK YARIMFİNALÇI... VİDEO...

İlk yarımfinalçı dünən axşam müəyyənləşdi. Belə ki, dünən üz-üzə gələn iki komandalar 90 dəqiqə ərzində münasibətləri aydınlaşdırdı. Çempionatın favoritlərindən sayılan Almaniya Portuqaliya millisi ilə mübarizədən qalib ayrıldı. İlk qolu görmək üçün çox gözləmək lazım olmadı. İlk yarının 23-cü dəqiqəsində Şvaynştayger hesabı açmağa nail oldu. 4 dəqiqə keçməmiş Klose hesab arasındakı fərqi artırdı. 2:0... İlk hissənin sonlarına yaxın, 41-ci dəqiqədə Nuno Qomeş hesab arasındakı fərqi minimuma endirə bildi. Tərəflər fasiləyə 2:1 hesabı ilə yollandılar. İkinci yarının 63-cü dəqiqəsində Almaniyanın kapitanı Ballak 3-cü dəfə portuqalları məyus etdi. Ancaq Portuqaliya millisi ruhdan düşmədi və 87-ci dəqiqədə Elder Poştiqa ikinci qolu almanların qapısından keçirdi. Amma bu da Portuqaliya millisinə məğlubiyyətdən yaxa qurtarmağa kömək etmədi.