İNANILMAZ!!! 4X4

Qələbə qazandıq! Hər şeyə rağmən. Futbolçularımıza 100 (!!!) dəqiqə ərzində inanılmaz mübarizə örnəyi sərgiləyərək çətin “Qəbələ” səfərindən 3 xalla dönməyi bacardıq. Hakimlərlə qarışıq 14 futbolçuya qarşı mübarizə aparan “Qarabağ” Aslan və Qoqanın qollarıya ardıcıl olaraq çempionatda 4-cü ümumilikdə isə 6-cı qələbəsini qazandı. Hər şey komandamız üçün yaxşı başladı. Artıq 13-cü dəqiqədə Vaqif sağ cinahdan irəliləyərək qapı önünə ötürmə etdi. Qoqa topu qəbul edərkən yerə endirilsədə hakimin fiti susdu, lakin topu qəbul edən Asalan cərimə meydançasının üzərindən baxımlı qola imza atdı. Qoldan sonra hücumlarını davam etdirən komandamız bir neçə dəfə hesabı artırmağa yaxın olsa da hər dəfə hakimlərin heç bir məntiqə sığmayan qərarları komandamıza təsir edirdi. Bütün xətlərdə inanılmaz mübarizə komandamızın güclü rəqibin əl-ayağını bağlamasına səbəb olmuşdu. Üstəlik son saniyələrdə qapıçı ilə təkbətək çıxan Vaqif şansından istifadə edə bilmədi. İkinci yarı yenicə başlamışdı. Matçı yüksək səviyyədə keçirən Kənan Qoqanı əla ötürmə ilə qapıçı ilə təkbətəkə çıxardı. Qoqa isə bir toxunuşla bizə ikinci qolu nəsib etdi. Lakin ev sahibləri 10 dəqiqə sonra Fistonla qolların birinin əvəzini çıxmağı bacardılar. Baş məşqçimiz Rasim Kara Ayxan və Muradı döyüşə atmaqla komandanımızın oyununu yenidən canlandırdı. Viktorun hücum xəttinə keçməsiylə yeni sima qazanan hücumlarımıza son anda ya hakim ya da qeyri-dəqiqlik mane olurdu. Bir epizodda isə Viktora qarşı xüsusi amansızlıqla oynasalarda, hakimin hətta sarı vərəqə göstərməyi belə rəva bilmədi. Görüşün əsas vaxtının başa çatmasından 2 dəqiqə sonra hakim 4 dəqiqə əlavə edib dəqiqə oynatmasına baxmayaraq, komandamız 14 nəfəri yenməyi bacararaq çempionatda ardıcıl 4-cü qələbəsini bayram etdi.

Oyundan maraqlı anları  FOTOQALEREYA  bölümündə izləyə bilərsiniz