İNGİLİSLƏRLƏ 4-CÜ QƏLƏBƏYƏ DOĞRU...

 Bu gün Bakı vaxtı ilə saat 23:45-də futbolsevərlər önəmli qarşılaşmalardan birinin şahidi olacaqlar. Türkiyənin ən güclü klublarından biri “Fənərbağça” Çempionlar Liqasının ¼ final mərhələsində İngiltərənin div komandalarından sayılan “Çelsi”ni qonaq edəcək. Şükrü Saracoğlu stadionunda baş tutacaq matçı Danimarka Futbol Federasiyasından olan hakim, Klaus Bo Larsen idarə edəcək.Baş məşqçi Ziko açıqlamasında  heyətdə müəyyən dəyişikliklərin olduğunu bildirib. “Fənər”in braziliyalı ulduzu Roberto Karlos da bu oyunda komandasına kömək edə bilməyəcək.

 Avropa Çempionlar Liqasına 5-ci dəfə qatılan komanda bu sezon ilkləri yaşayıb. İlk əvvəl ikinci tura sonra isə ¼ finala yüksələn “Fənərbağça”, “Çelsi” ilə oyunda Çempionlar Liqasının 33-cü oyununa çıxacaq. Liqada oynadığı 32 oyunda 10 qələbə, 4 heç-heçə və 18 məğlubiyyət yaşayan “fənərlilər”, vurduğu 36 qol qarşılığında qapısında 56 top görüb.