İNGİLTƏRƏ BAŞ MƏŞQÇİSİNİ TAPDI

    Nəhayət İngiltərənin yığmasının baş məşqçisinin adı məlum oldu. Bu italyan mütəxəssis Fabio Kapellodur. Don Fabioya 2010-cu ilə qədər müqavilə təklif edilib. Onun illik əmək haqqısı isə 4 milyon funt sterlinq olacaq.

    Hələlik onun köməkçisinin kim olacağı dəqiqləşməyib. Amma namizədlər arasında Alan Şirer və Stuart Pisrin adı çəkilir. Kapello jurnalistlərlə görüşündə bunu deyib: “Devid Bekhem və Maykl Ouen kimi səviyyəli futbolçuların klubda və yığmada müxtəlif oyun sərgiləmələrinin səbəbini bilmirəm. Yəqin millinin maykası onlar kimi  qaliblər üçün çox ağır yükdür. Belə vəziyyətdə məşqçi əsas rolu oynamalıdır. O, taktik və ya strateq yox, daha çox psixoloq olmalıdır. Ingiltərə yığmasının oyunçularında psixoloji cəhətdən problemlər var. Onların AÇ-2008-ə düşə bilməmələrini başqa cür izah etmək olmur. Bu komanda hardasa İspaniya millisinə bənzəyir. Heyətdəki əla futbolçulara baxmayaraq, praktiki olaraq heç nə qazanmayıb”.