JİLBERTO SİLVA GƏLƏCƏK PLANLARINI AÇIQLADI...

“Arsenal”ın yarımmüdafiəçisi Jilberto Silva “Sky Sports”a verdiyi müsahibədə öz gələcək planlarını açıqlayıb. O, yayda komandada qalıb-qalmayacağı haqda bir qərar verəcək. Qeyd edək ki, baş məşqçi Arsen Venqer bu sezonda 31 yaşlı veteran futbolçuya deyil, Maye Flaminiyə daha çox güvənir. “Bəli, mənə həqiqətən də çətindir və bunu hamı bilir. Mənim klubda ikinci dərəcəli rolum artıq hamıya bəllidir. Ancaq mən vəziyyəti nəzarətim altında saxlamağa çalışıram. Mən sakit insan olduğum kimi işimin də proffesionalıyam. Və bu belə də qalacaq. Mənin karyeramın necə olacağını isə gələcək göstərəcək” deyə barziliyalı bildirib.  “Mən sezonun əvvəlində Amerika kubokunda iştirak eydiyimə görə “Arsenal”a kömək edə bilməmişəm. Amma mən buna görə də peşman deyiləm”.