KAKA "ÇELSİ"DƏ?

İngiltərə mətbuatının yazdığına görə, “Milan” braziliyalı yarımmüdafiəçi Kakanı “Çelsi”yə satmağa hazır olduğunu bildirib. “Zadəganlar” adıçəkilən futbolçuya görə milanlılara 70 milyon funt-sterlinq ödəməyə razılıq verəcəyi halda bu transfer baş tutacaq.
Bu arada, “Çelsi”nin rəhbərliyi serbiyalı müdafiəçi Branislav İvanoviçin “Milan”a keçidinə icazə verməyib. Buna görə də “rossonyerlər” müdafiə xəttini gücləndirmək üçün digər namizədləri nəzərdən keçirməyə başlayıblar. Milanlıların maraq dairəsində isə “Fluminense”nin mərkəz müdafiəçisi Tiaqo Silvadır. Lakin Braziliya klubu 23 yaşlı futbolçunu qış transferi dövründə satacağını bildirib.