KAKA ŞAYİƏLƏRƏ SON QOYDU...

Iki ildir ki, Madrid “Real”nın transfer gündəmində olan və tezliklə İspaniyaya keçəcəyi iddia edilən “Milan”ın və Braziliya yığmasının yarımmüdafiəçisi Kaka dünən gəzən şayiələrə son qoyub. Belə ki, Kaka “rossonyerlər”lə olan müqaviləsinin müddətini 2013-cü ilin yayına qədər uzadıb. Klubun rəsmi saytına bununla bağlı açıqlama verən futbolçu karyerasını “Milan”da bitirmək arzusunda olduğunu bildirirb: “Mən burada xoşbəxtəm. Bu, belə olmasaydı, “Real”ın təklifini çoxdan qəbul etmişdim. Nə “Real”, nə “Barselona”, nə də ki, başqa bir komandanın təklifi məni fikrimdən daşındıra bilməz. Ümid edirəm ki, uzun illər bu səviyyədə çıxış edə biləcəyəm. “Milan”la qazanılacaq uğurlar hələ qabaqdadır.