“KARVAN” – “QARABAĞ”. STATİSTİKA

Sabahdan etibarən, Azərbaycan premier-liqasının 2-ci dövrəsinin oyunları start götürəcək.  “Qarabağ” Futbol Klubu XV tur çərçivəsində Yevlaxa səfər edəcək. “Karvan”la mücadiləmiz bazar günü saat 15:00-da baş tutacaq. Bu komandamızın "Karvan"la milli çempionatlar tarixində 8 qarşılaşması olacaq. 2004-2005 mövsümündə ilk dəfə qarşı-qarşıya gələn rəqiblərin matçında qolsuz bərabərlik qeydə alınıb. Komandamız səfərdə baş tutan cavab görüşündə “Karvan”ı 1:0  hesabı ilə məğlub edib. Ötən  mövsüm Suraxanıda baş tutan unudulmaz oyun 1:1 hesabıyla başa çatmışdı. Rasim Karanın “Qarabağ”da debüt etdiyi cavab matçında isə Yunis Hüseynovun yetirmələri 2:0-hesabıyla qələbə qazanmışdı.

Cari mövsümün 2-ci turuna təsadüf edən qarşılaşmada isə “Karvan” bu dəfə də meydandan qələbə ilə ayrılmışdı.

Bu arada oyunu idarə edəcək baş hakimin də adı müəyyən olub. Görüşü FİFA dərəcəli hakim Vüsal Əliyev idarə edəcək. Maraqlıdı ki, ötən ildə Yevlaxda baş tutan matçı məhz adı çəkilən hakim idarə etmişdi.

Xatırladaq ki, komandamız sabah səhər yola düşəcək. Gəncədə qalmağı planlaşdıran komandamız ouyun günü Yevlaxa yollanacaq.