`Karvan` - `Qarabağ`. Tarixə bir nəzər

Premyerliqa həftəsonu artıq başa çatır. “Qarabağ”ımız XVI turda “Karvan”ın qonağı olacaq.  ”Karvan” yeni yaranmasına baxmayaraq artıq çempionatlarımızda adından söz etdirə bilib. İndiyə kimi Yevlax təmsilçisi ilə 5 çempionat mücadiləsində qarşılaşmışıq. Bu komandamızın "Karvan"la milli çempionatlar tarixində yubiley - 10-cu  qarşılaşması olacaq. 2004-2005 mövsümündə ilk dəfə qarşı-qarşıya gələn rəqiblərin ilk matçında Yevlaxlılar 2:1 hesabıyla qələbə qazanıb.  Komandamız səfərdə baş tutan cavab görüşündə “Karvan”ı 1:0  hesabı ilə məğlub edib. 2005-2006 mövsümündə "Karvan" doğma meydanda ilk qələbəsini qazanıb, 1:0. Cavab görüşündə isə 0:0-lıq bərabərlik qeydə alınıb.

Ümumiyyətlə, “Karvan”la matçlarımız hər zaman fərqliliyi ilə yadda qalıb. 2006/2007 mövsümündə Suraxanıda baş tutan matçda  hakimin son dəqiqələrdə əleyhimizə verdiyi penalti qərarı böyük qalmaqala səbəb olmuşdu. Ötən mövsüm 2-ci turda baş tutan ilk görüşdə doğma meydana Yunis Hüseynovun komandasına minimal hesabla məğlub olmuşduq. Cavab görüşündə isə inanılmaz qaçırdığımız şanslar qolsuz bərabərliyin qeydə alınmasına səbəb olmuşdu. 

Cari mövsümün ilk yarısınında Suraxanıda baş tutan matç isə olduqca maraqlı alınıb. İlk yarıda Vaqifin qollarıyla önə keçsək də, yevlaxlılar Nadirov və Mesxinin qollarıyla hesabı bərabərləşdirə biliblər. Lakin Ramazanov sona 5 dəqiqə qalmış qələbə qolunu vura bilib.