Klub başçısı inam verdi, inamla dedi

`Qarabağ`ımızın vitse-prezidenti Tahir Gözel oyundan sonra çox sevincli görünürdü. Soyunub-geyinmə otağına daxil olaraq futbolçuları təbrik edən başqan komandayla qürur duyduğunu bildirdi. Otaqdan çıxdığı zaman media nümayəndələrinin əhatəsinə düşən Tahir bəy sualları sevə-sevə cavablandırdı. Klub başçısı verdiyi açıqlamada oyundan məmnun qaldığını və komandasından bu il avrokuboklarda çıxış edəcəyinə inandığını bildirdi. Tahir bəy eyni zamanda çempionluğa gedən yolda çətin matçların olacağını və Ağdamda həlledici matçları keçirməyi planlaşdırıldığını ifadə etdi.