KOMANDADA SON DURUM

“Qarabağ” komandası həftəsonu  “Standart”la keçirəcəyi premyerliqanın XXIII turun qarşılaşmasının hazırlıqlarını davam etdirir. Bazar günü keçiriləcək qarşılaşma öncəsi gündə bir məşq keçən komandada əhval-ruhiyyə əladır. Məşqlərini oyunun keçiriləcəyi Suraxanı qəsəbə stadionunda davam etdirən komandaya məşqlərə Mehmet Ak başçılıq edir. Belə ki, komandanın baş məşqçisi Rasim Kara Türkiyədə keçiriləcək kursa qatıldığından oyun gününə qədər Bakıya gələcək.

Komandada duruma gəlincə. Son oyunu yüngül zədə ucbatından buraxan Aftandil Hacıyev artıq məşqlərini müntəzəm olaraq davam etdirir. Məşqçilərin şans verəcəyi təqdirdə müdafiəçi “Standart”la mübarizədə meydanda ola biləcək. Hüseyn İsgəndərovun mövsümü erkən qapatdığını xəbər vermişdik. Bundan başqa komandada nə zədəli, nə də cəzalı futbolçu var.

Sonda onu xatırladaq ki, AFFA yay mövsümü ilə əlaqədar olaraq qarşıdan gələn oyunların vaxtını dəyişib. Belədə bazar günü keçiriləcək oyun 17:00-da keçirilməsi planlaşdırılıb.