KOMANDADA SON DURUM

“Qarabağ” komandası 5-ci turda qarşılaşacağı “Qəbələ” matçının hazırlıqlarını davam etdirir. Adətən gündə 2 hazırlıq keçən komandamız bu dəfə də ənənəsinə sadiq qalıb. Səhər Gənclikdəki “3-cü bağ” deyilən əraziyə yollanan komandamız Qurban Qurbanovun nəzarəti altında məşq keçib. Son məşqdə 23 futbolçu ştirak edib. Mllinin düşərgəsində olan Vaqif Cavadov və Fərhad Vəliyev sabahdan komandaya qoşulacaq. Amma U-21-də olan futbolçularımıdan biri artıq geri dönüb. Gənc millinin sonuncu matçında sarı vərəqə alaraq cəzalı duruma düşən Maksim Medvedev Albaniyaya aparılmayıb. İstedadlı müdafiəçi artıq komadanın düşərgəsindədir.

“Qarabağ”ın yoxlama oyunu keçirəcəyini xəbər vermişdik. Elitanın debütantı MOİK-lə oyunumuz Suraxanı qəsəbə stadionunda baş tutacaq. Görüşün saat 17:30-da baş tutması planlaşdırılır.

Komandada itkilərə gəlincə. Əzələ dartılmasından əziyyət çəkən bosniyalı legioner Sedat Şahin artıq qrup halındakı çalışmalarda iştirak edir. Sadəcə Zaur Ramazanov səhhətində kiçik problem yarandığından məşqdə iştirak etməyib. Qurbanovun icazəsiylə günü icazəli keçirən təcrübəli forvard artıq sabahdan etibarən məşqlərdə iştirak edəcək.