Komandamızdan böyükhesablı qələbə

“Qarabağ” – “Əl-Şəbəb” – 5:2

Yassin Benzia, Leandro Andrade, Abdullah Zubir (3)

Komandamız Avstriyada təşkil olunan təlim-məşq toplanışında sonuncu oyununu keçirib. Qurban Qurbanovun yetirmələri BƏƏ-nin “Əl-Şəbəb” klubu ilə qarşılaşıb.

Komandamız meydana aşağıdakı “11-lik”lə çıxıb: Fabiyan Buntiç, Bəhlul Mustafazadə, Kevin Medina, Marko Veşoviç, Toral Bayramov, Marko Yankoviç, Julio Romao, Leandro Andrade, Yassin Benzia, Abdullah Zubir (k), Juninyo.

Məhsuldar keçən görüşdə hesabı Yassin Benzia açıb. Lakin asiyalılar bərabərlik qolunu vurmağı bacarıb. Fasiləyədək Leandro Andrade rəqibin qapısına yol tapıb.

İkinci hissədə Abdullah Zubir səhnəyə çıxıb. O, het-trik müəllifi olub. Rəqib görüşün sonlarında bu topladan birinin əvəzini çıxa bilib. Beləliklə, komandamız toplanışı böyükhesablı qələbə ilə başa vurub – 5:2.

Qeyd edək ki, toplanış çərçivəsində bunadək üç oyun keçirən komandamız “Kayzerslautern” (1:3),, Plzen “Viktoriya”sı (2:1) və “Slaven”lə (1:0) üz-üzə gəlib.