KONKOV YERİNƏ HƏMYERLİSİNİ TƏYİN ETDİ . . .

"İnter" FK ölkə kubokunun 1/4 finalında "Karvan" Futbol Klubuna 1:4 hesabı ilə məğlub oldu. Bu isə klubda baş məşqçi istefası ilə nəticələndi... Mətbuatda yayılmış xəbərə görə "İnter" FK-nun Baş Məşqçisi Anatoliy Konkov komandasının yarımfinala çıxa bilməməsi səbəbindən bu vəzifədən istefa vermişdir. Lakin Konkov vitse-prezident olaraq klubdaki fəaliyyətini davam etdirməkdədir. Baş MƏşqçi postu isə boş qalmamışdır.Artıq köhnə posta Konkov öz həmyerlisi Oleq Smolyaninovu təyin etmişdir. Oleq Smolyaninov Konkovdan 10 il cavandı və vaxtilə onun rəhbərliyi altında çıxış edib, Donetsk "Şaxtyor"unun kapitanı olub. 1959-cu il yanvarın 5-də dünyaya gələn ukraynalı mütəxəssis 1985-ci ildən SSRİ idman ustasıdı. O futbol oynamağa Taqanroqda başlayıb. Yerli "Torpedo" (1978-81), OİK (Rostov, 1981-82), "Kolos" (Nikopol, 1983). "Şaxtyor" (Donetsk, 1983-89), "Zenit" (Sankt-Peterburq, 1990), "Dnepr" (Dnepropetrovsk, 1990), "Tekstilşik" (Kamışin, 1991-92), "Metallurq" (Zaporoжye, 1992/93), "Zarya-MALS" (Luqansk, 1993/94), "Nordhauzen" (Almaniya, 1994), "Admira-Vakker" (Avstriya, 1995), "Bney-İequda" (İsrail, 1995/96) komandalarının şərəfini qoruyub. 1990-cı ildə "Şaxtyor"la Federasiya, 1983-cü ildə isə Mövsüm kubokunu qazanıb. "Şaxtyor"un heyətində 1983-cü ildə debüt edib, bu komandanın heyətində güclülər dəstəsində 138 oyun keçirib. Komandanın kapitanı olub. Ymumilikdə keçirdiyi 346 matçda 46 qol vurub. "Avanqard" Rovenki (1996-97), "Şaxtyor" Makeyevka (1997-98) və SKA-"Energiya" Xabarovsk (1999-2005) komandalarında baş məşqçi olub.