KRAMARENKO ADINA MÜKAFAT

“Neftçi” PFK uzun illər komandanın heyətində çıxış etmiş və ölkə futbolunun inkişafında böyük xidmətləri olmuş mərhum Sergey Kramarenkonun xatirəsini əbədiləşdirmək üçün onun adına mükafat təsis edib. 16-cı Azərbaycan Premyer liqasından başlayaraq, çempionatın ən yaxşı qapıçısına klub tərəfindən “Sergey Kramarenko adına mükafat” veriləcək. Mövsümün yekununda mütəxəssislərin və jurnalistlərin rəyinə əsasən çempionatın ən yaxşı qapıçısı seçiləcək. Bu mükafatın sahibinin müəyyənləşməsi üçün “Futbol dünyası” qəzeti vasitəsilə sorğu keçiriləcək və qalib “Neftçi” PFK tərəfindən mükafatlandırılacaq.