KUBOK BAŞLAYIR

Artıq ölkə kubokunun əsas mərhələsi start götürür. "Qarabağ" artıq sabah növbəti  dəfə kuboku başı üzərinə qaldırmaq üçün mübarizəyə başlayacaq. Rəqibimiz də bəllidir - "Bakılı". Maraqlıdır ki, çempionatın ilk turunda da püşk bizi paytaxt təmsilçisiylə üz-üzə qoymuşdu. Komandamız həmin görüşdən 2:1 qalib ayrılmışdı. Ümumiyyətlə, "Bakılı"yla  statistika nə vəd edir? Hər zaman olduğu kimi  komandamızın rəsmi saytı rəqiblə bağlı statistikanı sizə təqdim edir. Cari mövsümə qədər "Bakılı"yla 4 çempionatda mübarizə aparmalı olmuşuq. Və bu görüşlərdə komandamızın üstünlüyü diqqəti cəlb edir. Ümumilikdə 6 qələbə və 3 heç-heçə. Adı qeyd olunan rəqibə heç vaxt 3 xal sevinci nəsib etməmişik. Bu matçlarda rəqibin qapısını 15 dəfə silkələsək də, cəmi 2 dəfə top buraxmışıq ki, onunda biri cari futbolun ilin debüt matçına təsadüf edib. Kubokda isə bu komandayla ilk dəfə qarşılaşcağıq.

Komandada zədəlilərin durumuna gəlincə, son oyunu xəstəlik üzündən buraxan Aleksandr Qoqaberişvili sabah meydana çıxmaq iqtidarındadır. Emin İmaməliyev isə baş məşqçi şans verəcəyi təqdirdə meydana çıxa biləcək.