KUBOKDA NÖVBƏTİ MƏRHƏLƏ ÜÇÜN

Bu gün Azərbaycan kuboku uğrunda mübarizənin 1/16 final mərhələsinin cavab görüşləri keçiriləcək. Səfərdə İmişlinin MKT-Araz klubunu 1:0 hesabıyla məğlub etmiş “Qarabağ” saat 16:30-da Buzovna qəsəbə stadionunda rəqibini qəbul edəcək. Komandada sadəcə Timur İsrafilov zədə ucbatından matçı buraxacaq. Digər futbolçuların isə, meydana çıxması üçün heç bir problem yoxdur.

Bu gün eyni zamanda “Qarabağ-2” də meydana çıxacaq. İlk matçda elitanın güclü sakinlərindən “Standart”la əla mübarizə aparan gənclərimiz şanssız şəkildə sonda məğlub olmuşdular. Buna baxmayaraq, Yaşar Hüseynovun yetirmələri görüşə qələbə üçün çıxacaqlar. Xatırladaq ki, matç 16:30-da Bakıxanov qəsəbəsindəki İsmət Qayıbov adına stadionda keçiriləcək.