LİDERLƏRİN NÖVBƏTİ SINAĞI(FUTBOL+,12.04.2005)

"İNTER"- "QARABAĞ": Bu komandaların ev oyunlarını keçirdiyi Zabrat və T.İsmayılov adına Suraxanı qəsəbə stadionlarının durumu qənaətbəxş olmadığına görə onlar rəqiblərini "Şəfa" stadonunda qəbul edirlər. Bu dəfə "Qarabağ" adıçəkilən arenada qonaq qismində iştirak edəcək. Son vaxtlar Ağdam klubunda bəzi oyunçular zədədən əziyyət çəksə də, artıq bu problem demək olar ki, arxada qalıb. Son üç oyunda adı heç bir matçın protokolunda olmayan Aqil Məmmədovun bu gün meydana çıxacağı istisna deyil. Vitaliy Kovalyovun "çərçivə"də yerini əldən verərək eytiyatda qalması həm də əlindəki zədəylə bağlıdır.