Linkoln `Fənər`ə satılır?

"Qalatasaray"da növbəti "inqilab dalğası"

"Sarı-qırmızılılar" Linkoln, Linderot, Nonda, De Sanktis və Ümit Karanla yollarını ayırır

 İcazəsiz vətəninə yollanaraq böyük qalmaqala səbəb olan "Qalatasaray"ın braziliyalı ulduz futbolçusu Kassio Linkoln cəzalandırılacaq."Artıq lazım olan addımları atmağa başlamışıq. "Qalatasaray"ın qaydalarını pozan hər kəs bunun cəzasını çəkməlidir. Kimsəyə güzəşt etmək fikrimiz yoxdur", - deyə klub rəsmisi bildirib.
Üstünəl indiki halda Linkolnu komandadan kənarlaşdırmaq niyyətində olmadıqlarını bildirib.
Bu arada Türkiyə mətbuatı mövsümün sonunda "Qalatasaray"da növbəti dəfə islahatlar aparılacağını yazır. Komandanın başına keçdiyi dövrdən tez-tez heyətdən kənarlaşdırılan və tranfser olunan futbolçular hesabına heyəti bir neçə dəfə dəyişən Adnan Polat və komandasının yayda böyük dəyişikliklərə gedəcəyi iddia olunur. Bu mövsüm Çempionlar Liqası və Türkiyə Kubokunun ardınca, UEFA Kubokunda da uğursuzluğa düçar olub, çempionluq şanslarını böyük ölçüdə şübhə altında qoyan komandanın baş məşqçi Bülent Korkmazla yoluna davam edib-etməyəcəyi həllik sual olaraq qalır. Ancaq istanbulluların bir neçə ulduz futbolçuya qapını göstərəcəyi artıq dəqiqləşib.
Türkiyə mətbuatı böyük ümidlərlə transfer olunan Linkolnun son hərəkətlərindən sonra "Sarı-qırmızılı" klubdan kənarlaşdırılacağını iddia edir. İczəsiz vətəninə yollanan futbolçuya qarşıdakı 9 turda baş məşqçi oynamaq şansı versə belə, mövsümün sonunda o, heyətdən kənarlaşdırılacaq. "Qalatasaray"ın onu istənilən kluba, həttə əzəli rəqibləri olan "Fənərbaxça"ya belə satmağa hazır olduğu iddia edilir.
Linkolnla yanaşı, 2 ildir zədə səbəbindən komandaya heç bir xeyir verməyən Linderotun da "Cim-Bom"la yollarının ayrılacağı deyilir. Onlarla bərabər, bu mövsüm istənilən səviyyədə çıxış etməyən Şabani Nondanın da İstanbulu tərk etməsi gözlənilir.
Türkiyə mətbuatı hətta qapıçı De Sanktisin də komandadan ayrılacağını iddia edir. Əcnəbi oyunçularını böyük ölçüdə yeniləyəcək "Cim-Bom"un yerlilərdən Ümit Karanla da vidalaşacağı gözlənilir.