LUQANO "YUVENTUS"DA???

İtaliyanın öndəgedən klublarından biri sayılan “Yuventus” uzun müddətdir Çempionlar Liqasında uğurlu çıxışı ilə yadda qalan “Fənərbağça”nın uruqvaylı futbolçusu Luqanonu almaq üçün türklərin qapısını döyməyə hazırlaşır.  Belə ki, “Fənərbağça”nın bu mövsümdə Çempionlar Liqasında oynadığı futbol və xüsusilə də evində qazandığı uğurlardan sonra bütün avropa klubları hərəkətə keçib. Ancaq gələn mövsümdə Avropada daha böyük hədəfləri olan “sarı lacivərtlilər” bu transferin gərçəkləşəcəyinə isti baxmır. Digər tərəfdən günü-gündən güclənən türk klubu istədiyi hər bir futbolçunu heyətinə qatmaqda da çətinlik çəkməz. Amma “Fənərbağça”məbləğin 10 milyon avroya çatacağı halda bu transfer haqqında fikirləşə biləcəyini də bildirib. Luqano özü isə bu barədə belə deyib: “Bu cür təkliflərin alınması əlbəttə ki, sevindirici haldır. Amma müqaviləmin bitməsinə hələ 2 il var. Mən burda çox xoşbəxtəm. Bu forma ilə Avropa çempionluğunu yaşamaq istəyirəm”.