MATÇÖNCƏSİ: 8-Cİ QƏLƏBƏ ÜÇÜN

"Qarabağ" Futbol Klubu sabah Azərbaycan çempionatının 9-cu tur çərçivəsində "İnter"i qəbul edəcək. Xatırladaq ki, uzun bir aradan sonra komandamız rəqibini ev oyunlarını keçiridiyi Tofiq İsmayılov adına stadionda qəbul edəcək. Belə ki, Avqustun 12-ində təmirə bağlanan stadion artıq ideal səviyyədədir və ot örtüyündə heç bir problem yoxdur.

Komandamız da əhval -ruhiyyə çox yüksəkdir. Ardıcıl qələbələrdən sonra hər kəs "İnter" matçına əla köklənib.

Üstəlik ümumi statistik göstəricilər də komandamızın xeyrinədir. İndiyə kimi çempionatlar tarixində 15 dəfə üz-üzə gəldiyimiz rəqibimizdən 7 qələbə qoparmağa nail olmuşuq. 3 dəfə hərəyə bir xala razı olsaqda rəqib 5 dəfə qələbəyə sevinib ki, onun da 2-si ötən mövsümə təsadüf edib. Elə "İnter"in rəqib sahəsində bizi məğlub etməsi ilk və son dəfə ötən il gerçəkləşib. Digər 5 matçda isə evimizdə qləbəyə sevinmişik. Top fərqinə gəlincə, 11 dəfə qapıçımız topu tordan çıxarmışıqsa, komandamız 18 dəfə eyni uğura imza atıb.

Xatırladaq ki, matç 28 oktyabr saat 15:00-da keçiriləcək. Azarkeşlərimizi komandamızın ardıcıl 8-ci qələbəsini qeyd etməyə çağırırıq.