Media nümayəndələrinin nəzərinə

UEFA Çempionlar Liqasının III təsnifat mərhələsinin ilk oyunları çərçivəsində keçiriləcək "Qarabağ" - "Lüdoqorets” (Bolqarıstan) matçından öncə təşkil ediləcək mətbuat konfransı və açıq məşqə qatılacaq media nümayəndələri üçün nəqliyyat vasitəsi ayrılacaq. Avqustun 5-də saat 17:00-də metronun "Koroğlu" stansiyasından “Azersun Arena”ya avtobus yola düşəcək. 

Komandamızın baş məşqçisi Qurban Qurbanovun mətbuat konfransı saat 17:45-də “Azersun Arena”da baş tutacaq. 18:15-də media nümayəndələri üçün açıq məşq (İlk 15 dəqiqə) keçiriləcək.

Qeyd edək ki, avqustun 6-da Tofiq Bəhramov adına Respublika stadionunda keçiriləcək “Qarabağ” – “Lüdoqorets” görüşü saat 20:00-da başlayacaq.