....MƏĞLUB OLDUQ.

Son turda "Qarabağ" "Turan"ın qonağı oldu. I hissə: 4 dəq- Aslan Kərimov bir oyunçunu keçərək qapıya zərbə vurdu; 8 - Əks hücum. Asen Nikolovun gözəl ötürməsi, müdafiənin səhvi və Kənan Kərimov hesabı açır; 16 - Engin Özmən son oyunçunu da keçir, onu yıxırlar, hakimin fiti isə susur; 17 - Kənan Kərimov qapıya zərbəsi alınmadı; 20 - müdafiənin daha bir səhvi - qapıçı meydançasından kənarda Rauf topu əllə tutur və sarı vərəqə; 21 - Cərimə zərbəsi - Rauf Mehdiyev mükəmməl reaksiya ilə topu tuta bilir; 25 - Ruslan Musayevin ötürməsi, Azərin topu saxlamadan zərbəsi qapıdan azacıq aralı keçir; 29 - Engin Özmənin mərkəzdən Samirə, onun isə İvan Karamanova ötürməsi - İvan son anda büdrəyir; .. Bundan sonra üstünlük tamamilə "Qarabağ"dadır.. 39 dəq- Aslan sarı vərəqə alır(hakimlə danışdığına görə); 42 - Cərimə zərbəsi - Denis yandan vurur; ...II hissə: 53 dəq- Ruslanın ötürməsindən sonra Mübarizin zərbəsi - qapıçı yerindədir; 56 - rəqib qapıçının səhvi - Engin - Samir- Engin paslaşması son zərbə ilə başa çatmadı; 57 - Əks hücum- Aslan Kərimovun mərkəzdə səhvi, Asen Nikolovun matçda ikinci mükəmməl ötürməsi və Kənan Kərimov hesabı 2:0 edir; 58 - Mübariz Orucov sarı vərəqə; 64 - Kənan Kərimov sarı vərəqə; 65 - Vüqarın zərbəsi, qapıçı yerindədir; 72 - meydana təzə çıxmış Vadim Vasilyev təkbətək çıxır, amma zərbəsi alınmır; 74 - Mübarizin yandan asmasından sonra Samir Musayevin başla zərbəsi- qapıçı çətinliklə topu tuta bilir; 80 - Samir axır ki, öz istəyinə çatır-top qapıdan keçir. Amma hakim oyundan kənar vəziyyət qeydə alır; 82 - Asen Nikolovun daha bir ötürməsi və Zaza Loşabidze hesabı 3:0 edir; 87 - Vüqarın ötürməsi - Vadim yenə də qapıçı ilə təkbətək qalır, bu dəfə də qapıçı qalib gəlir; Əlavə vaxt - bu dəhə üç ötürmədən sonra Asen Nikolov özü qapımıza qol vurur 4:0.