MEHMET AK: "AYAKS MODELI YARADACAĞAM"

Onun cəmi 25 yaşı var. Lakin Türkiyədə yaşına uyuşmayacaq dərəcədə böyük işlər görüb. Artıq ona qardaş respublikada ölkə futbolunun xilaskarı kimi baxırlar. Və Türkiyə kimi bir böyük ölkədə futbolun sabahının nicatı kimi baxdıqları bir şəxs artıq “Qarabağ”dadır. Yox, söhbət heç də klubumuzun transfer etdiyi hər hansısa bir futbolçudan getmir. Bəlkə də yeni transferimiz hər hansısa bir ulduzdan daha önəmlidir. Çünki, onun görəcəyi işlər nəticəsində nə zamansa öz futbol ulduzlarımızın yetişməsi qaçınılmazdır. Bəli, yeni “transfer”imiz nəinki, “Qarabağ” üçün bütünlükdə ölkə futbolunda yeni tendensiyanın yaranması üçün xoş gələcəyə ümid verir. Buyurun, qarşılayın. Dünya Futbol Bilimləri Konqresinin üzvü, “Fənərbaxça”, Şəkərspor” kimi klublarda çalışmış, Türk futboluna bir sıra istedadlar qazandırmış, Ankara universitetinin bədən tərbiyəsi və  futbol fakultəsini birinciliklə bitirmiş, hal-hazırda Konya Universitetində “Futbol və onun fiziki hazırlığı” mövzusunda elmi dissertasiya hazırlayan Mehmet Ak artıq “Qarabağ”da!!! Bəli, heç də təəccüblənməyin.  Bu yaşına peşəkar futbolçu olmağı, litseyi  və universiteti birinciliklə bitirməyi sığışdırmış Mehmet bəy  artıq öz iş qalibiyyətiylə Azərbaycan futboluna xüsusi rəng qatacaq.

İlk öncə onunla qarşılaşdığımızda təsəvvürdə formalaşdırdığımız bir insan xarakterindən təmamilə zidd bir şəxsiyyətlə qarşılaşdıq. “Qarabağ”ın çiçəyi burnunda fiziki və taktiki hazırlıq üzrə kordinatoru Mehmet Ak izlədiyimizin əksinə heç də eynəkli, kostyum geyinmiş zəhmli bir insan olmadı. Əksinə, yaraşıqlı, mehriban, gülərüzlü eyni zamanda gözlərindən nə dərəcədə ağıllı və elmli olması bilinən Mehmet hocayla söhbətimimz çox səmimi alındı. Sözün açığı hələ ilk dəfə komanda məşqə çıxan zaman hər kəs Rasim Karanın yanında olan bu şəxsin yeni futbolçu olduğunu düşünürdü. Hər halda Akın fiziki forması və görünüşü belə düşünməyə əsas verir. Lakin məşq başlayandan etibarən Mehmet bəyin verdiyi tapşırıqları  necə xüsusi canfəşanlıqla yerinə yetirməsi, eyni zamanda futbolçularla birlikdə bütün təmrinləri özünün də yerinə yetirməsi məşqə həm əlavə rəng qatdı, həm də futbolçuların daha can-başla çalışmasına şərait yaratdı.  Yəqin sizin üçün də Mehmet bəyi tanımaq maraqlı olar. Əslinə qalsa, mütəxsissislə danışmadığımız mövzu qalmadı.

Buyurun, siz də oxuyun. Mehmet Ak haqqında her şey MÜSAHİBE bölümündə...