Mehmet Ak dünya futbol konqresində...

Azərbaycan premyerliqası klublarında çalışan tək türk mütəxəssis olan “Qarabağ”ımızın koordinatoru Mehmet Akın vətəninə yollandığını xəbər vermişdik. Qardaş ölkədə sahib olduğu sahəyə görə nadir mütəxəssislərdən olan Mehmet bəy ölkəsində keçiriləcək dünya futbol konqresinə qatılacaq. Selcuq universitetinin təşəbbüsü ilə keçiriləcək konqresdə sevindirci haldır ki, klubumuzun təmsilçisi də iştirak edəcək. Ən qürurverici olay isə ondan ibarətdir ki, koordinatorumuz həmin konfransda seminar da təşkil edəcək. Daha öncələrdə belə tədbirə qatılan Mehmet bəy təşkilatçıların xahişi ilə “Futbolda Aerobik ve Anaerobik Performans Analizi” mövzusunda seminar oxuyacaq. Bu təmsilçimizlə bağlı son olay deyil. Klubumuzda başarılı fəaliyyəti ilə diqqət çəkən “Qalatasaray”ın sabiq mütəxəssisi eyni zamanda üzvü olduğu dünya futbol elmi konqresində təşkil ediləcək debat və müzakirələrə qatılacaq. Baş verənlərlə bağlı daha ətraflı məlumat almaq üçün saytımızı izləməyi unutmayın..