MƏLUMAT

UEFA Avropa Liqasının qrup mərhələsinin V turunda “Molde” (Norveç) klubunun qonağı olacaq “Qarabağ”ın oyunöncəsi son məşqi Bakıda keçiriləcək. İlk 15 dəqiqəsi media nümayəndələri üçün açıq olacaq məşqimiz sabah – noyabrın 28-də “Azersun Arena”da baş tutacaq. Hazırlıq prosesi saat 18:30-da başlayacaq.

Baş məşqçimiz Qurban Qurbanovun iştirakı ilə keçiriləcək mətbuat konfransı Norveçdə baş tutacaq. Noyabrın 29-da keçiriləcək tədbir yerli vaxtla saat 19:00-da (Bakı vaxtı ilə saat 22:00-da) başlayacaq.
Qeyd edək ki, noyabrın 30-da “Molde” stadionunda keçiriləcək “Molde” – “Qarabağ” matçı yerli vaxtla saat 21:00-da (Bakı vaxtı ilə 00:00-da) start götürəcək.