MƏŞQLƏR DAVAM EDİR

“Qarabağ” dünən keçirdiyi yoldaşlıq oyunundan sonra yenidən bir araya gələrək məşqlərini davam etdirir. Komandamız günə səhər məşqi ilə başladı. Saat 10-da başlayan məşq Suraxanı stadinunda baş tutdu. Futbolçular məşqçilərin nəzarəti altında təqribən 2 saata yaxın müəyyən məsafələrə qaçışlar yerinə yetirdilər. Məşq sonrası bazaya dönən futbolçular nahar etdikdən sonra ikinci məşqə yorğun çıxmamaq məqsədilə 2 saata yaxın istirahət etdilər. Komanda saat 4-də baş tutacaq günün ikinci məşqi üçün yenidən  Suraxanı stadionuna yollandı. Millinin düşərgəsində olan futbolçularımız- komandanın kapitan Aslan Kərimov və qapıçı Fərhad Vəliyev də komandaya qoşuldu.

Onu da qeyd edək ki, komandamız sabah daha bir yoldaşlıq oyunu keçirəcək. Bu dəfə “Qarabağ” “Neftçi-2” ilə qarşılaşacaq. Bu görüş sabah günorta saat 15:00-da Lökbatan stadionunda baş tutacaq.