MƏŞQLƏR DAVAM EDİR...HAKİMLƏRİN ADLARI MƏLUMDUR...

“Qarabağ” hazırlıqlarını davam etdirir. “Karvan”la oyundan sonra 1 gün istirahət edən komanda fevral ayının 26-da məşqlərə start Verdi. Komanda bu həftənin iki günü iki dəfə, qalan günləri isə gündə bir dəfə məşqə çıxacaq. Bu gün “Qarabağ”ı iki məşq gözləyir. Səhər məşqinə saat 10:00-da start verildi. Komanda iki hissəyə bölünərək növbə ilə fitness zalda və açıq havada məşq hərəkətlərini yerinə yetirdi. Məşq saat 12:00-da başa çatdı. Ikinci məşqə yorğun çıxmamaq üçün komanda nahardan sonra 2-3 saat istirahət edəcək. Günün ikinci məşqi saat 16:00-da Suraxanı qəsəbə stadionunda baş tutacaq. Bu arada onu da qeyd edək ki, komandanın kapitanı Aslan Kərimov “Karvan”la oyunda sarı vərəqə limitini doldurub və bu da o deməkdir ki, “Xəzər-Lənkəran”la matçda o komandaya kömək edə bilməyəcək. Həftəsonu baş tutacaq “Qarabağ” – “Xəzər-Lənkəran” matçını idarə edəcək hakimlərin adları artıq məlumdur. Bunlar: baş hakim Rövşən Əhmədov, köməkçi hakimlər – Arif Ağayev və Rufulla Kərimov olacaq. Premyer Liqa komandaları arasında2007/2008-ci il mövsümü üçün keçirilən XVI Azərbaycan Çempionatının XVI turunda keçiriləcək digər oyunlara təyin olunmuş hakimlərin adları:

01 mart (şənbə)

 “Masallı” – “Standart”

Nağıbəyov Eldar, Hüseynov Azad Q, Abdullayev Munis

“İnter” – “Bakı”

Əliyev Vüsal, Ayazov Vaqif, Hüseynov Azad Ə.

 “Gənclərbirliyi” – “Olimpik”

Haşımov Ceyhun, Mahmudov Mehman, Musayev Vaqif

ABN “Bərdə” – “Karvan”

Salmanov Anar, Məmmədov Azər, Məmmədov Vasif

02 mart (bazar)

 “Qəbələ” – “Neftçi”

Yusifov Fariz, Əsgərov Azər, Əliyev İlham

 “Turan” – “Simurq”

Sultani İmamxan, Ələkbərov Aydın, Musayev Elman