MƏTBUAT AÇIQLAMASI

Son zamanlar Azərbaycan futbolunun iri addımlarla inkşafı heç kimdə şübhə doğurmur.Lakin bu inkşafın davamlı olması üçün hər bir Futbol Klubunun uşaq futboluna diqqət yetirməsi zəruri və əsas şərtdir.Başda əsas Milli Yığma Komandamız olmaqla, bütün yaş qrupları üzrə milli komandalarımızı müvəffəqiyyətlərə aparan səviyyədə gənclər yetişdirilmir.Bunun ən böyük səbəbi isə klublar olaraq indiyə qədər uşaq futboluna lazımi səviyyədə diqqət göstərməməyimizdir. “Qarabağ” Futbol Klubu bu faktı çempionatın başlandığı ilk günlərdən etibarən müəyyən etmiş və bu yöndə fəaliyyət göstərməyə başlamışdır. İlk olaraq tanınmış mütəxəssis , Türkiyə Gənclərdən İbarət Milli Komandasını iki dəfə Avropa Çempionu, bir dəfə Avropa ikincisi etmiş türkiyəli əməkdar məşqçi Hamdi Serpil Tüzünü Azərbaycana dəvət etdi və Azərbaycanda ilk olaraq “Yeniyetmə Futbolçu”müsabiqəsini elan etdi.Cənab Hamdi Serpil Tüzünlə yanaşı, eyni zamanda Türkiyədəki gənc futbolçu ların ən çox uğur qazandığı Beşiktaş Futbol Klubunda məşqçi olaraq işlədikləri halda, bu layihəmizə inandıqları üçün oradan ayrılan Tacettin Doğan və Teyfik Saygılı da “Qarabağ” Futbol Klubunun uşaq futbolunun inkişaf etdirilməsi layihəsinə cəlb edildi. Müsabiqənin məqsədi 1987-1992-ci il təvəllüdlü istedadlı gəncləri futbola cəlb etmək,içərilərindən ən yaxşılarını seçmək ve bununla da Azərbaycanda uşaq futbolunun inkişafına təkan verməkdir.Müsabiqədə iştirak etmək istəyən gənclər 5-11 mart tarixlərində “Şəfa” stadionunda qeydiyyatdan keçəcək və 12-13 mart tarixlərində müsabiqədə iştirak etmək şansı qazanacaqlar.İlk olaraq, Bakıda keçiriləcək bu müsabiqə yaxın vaxtlarda bölgələridə əhatə edəcək. Sonda bir daha vurğulamaq istərdik ki, 1975-ci ildə “Beşiktaş” JK Özkaynak Düzenini (uşaq futbol məktəbi) yaratmış,Türkiye futboluna Rza Çalımbay (“Beşiktaş”ın hazırki baş məşqçisi), Gökhan (“Beşiktaş” baş məşqçi yardımçısı), Okan Buruk,Emre Aşık,Fatih Tekke,Oktay Derelioğlu,Yıldıray Baştürk kimi oyunçular bəxş etmiş baş məşqçi Hamdi Serpil Tüzünün başçılığı altında keçirilən və “Qarabağ” Futbol Klubunun da böyük fəxrlə dəstəklədiyi bu müsabiqənin başlıca amalı Azərbaycanda uşaq futbolunun tərəqqisinə təkan verməkdir. "QARABAĞ" FK MƏTBUAT XİDMƏTİ.