MƏTBUAT KONFRANSI: "QARABAĞ" - "ZİMBRU"

UEFA Kuboku ilkin təsnifat mərhələsi "Qarabağ" (Azərbaycan) - "Zimbru" (Moldova) oyununa həsr olunmuş Mətbuat Konfransı keçirildi. Əvvəlcə konfrans otağına "Qarabağ"ın baş məşqçisi Böyükağa Ağayev təşrif buyurdu. Konfrans açıq elan olunduqdan sonra Böyükağa Ağayev suallara cavab verdi: - Komandadakı hazırkı durum necədir? - Komandamda əhval ruhiyyə yüksək səviyyədədir. Futbolçularda özünə inam hissə yüksəkdir. Bunun sabahkı oyuna da sirayət edəcəyinə inanıram. - Bu inam komandanın ziyanına işləyəcəyini düşünmürsünüzki? - Komandam təcrübəli futbolçulardan təşkil olunduğundan belə bir şeyin olduğunu düşünmürəm. Bu gün səhərki məşqdə də bunu hiss etmədim. - İlk oyunun nəticəsinə görə bu oyunda müdafiə futbolu oynayıb heç-heçə ilə kifayətlənməyi düşünürsünüz yoxsa... - Bizə 0:0 sərf eləsə də, biz bu oyundan yalnız qələbə gözləyirik. Uşaqlarıma inanıram və qaib gələcəyimizə şübhəm yoxdur. - Sabahkı oyunda hansı taktiki düzülüşlə oynayacağımızı indi deyə bilmərəm. Amma düzülüşdən asılı olmayaraq, yalnız qələbə üçün meydana çıxacağıq. - Moldova komandaları ilə məğlubiyyət sindromunu "Qarabağ" sındıra biləcəkmi? - Biz bunu çox istəyirik və hər şey edəcəyik ki biz qalib gələk... "Qarabağ" Baş Məşqçisi konfrans otağını tərk etdikdən sonra "Zimbru" komandasının Baş Məşqçisi İvan Tabanov media işçiləri ilə görüşdü. - İlk oyunun nəticəsinə görə tur keçəcəyinə nə dərəcədə inanırsınız? - İlk oyundakı nəticə əlbətdə bizi qane etmədi və bu oyunda ilk oyunu sığortalamaq istəyirik. Amma bunun çətin olacağını düşünürəm. - İlk oyunda momentlərdən istifadə edə bilməməyi nə ilə əlaqələndirirsiniz? - Bizim 100%-li bir neçə momentimiz oldu. Halbuki "Qarabağ" çox dəqiq müdafiə olunurdu. Lakin hücumçularımızın bundan istifadə edə bilməməsi sonda nəticənin bizə uyğun olmamasına gətirib çıxardı. - "Qarabağ"da xüsusi olaraq hansı futbolçunu fərqləndirərdiniz? - 9 nömrə Samir Musayev çox gözəl futbolçudur. Bundan başqa 7 (Romal Hüseynov) və 5 nömrəli (Sergey Sokolov) futbolçuların oyunu komandaya çox faydalı olduğunu deyə bilərəm.