Mətbuat konfransı və açıq məşqin vaxtı müəyyənləşdi

UEFA Avropa Liqasının qrup mərhələsinin VI turu çərçivəsində keçiriləcək "Qarabağ" - "Hekken” (İsveç) oyunundan öncə təşkil ediləcək mətbuat konfransı və media nümayəndələri üçün açıq məşqin vaxtı məlum olub.
Komandamızın baş məşqçisi Qurban Qurbanovun iştirakı ilə keçiriləcək mətbuat konfransı dekabrın 13-ü saat 13:15-də Tofiq Bəhramov adına Respublika stadionunda baş tutacaq. 16:30-da isə media nümayəndələri üçün açıq məşq (ilk 15 dəqiqə) “Azersun Arena”da keçiriləcək.
Qonaq komandanın Tofiq Bəhramov adına Respublika stadionunda təşkil olunacaq mətbuat konfransı saat 18:15-də start götürəcək. İsveç təmsilçisinin eyni arenada keçiriləcək ilk 15 dəqiqəsi açıq olacaq məşqi 18:45-də başlayacaq.

Media mənsubları media biletlərini və akkreditasiyalarını dekabrın 13-ü saat 11:00-dan 13:00-dək Tofiq Bəhramov adına Respublika stadionunun media mərkəzindən götürə bilərlər.

Qeyd edək ki, dekabrın 14-də keçiriləcək “Qarabağ” – “Hekken” görüşü saat 21:45-də başlayacaq.