“MILAN” DÜNYANIN ƏN GÜCLÜSÜ VƏ ƏN TİTULLUSUDUR!!! VİDEO

Yaponiyada keçiriləcək final matçı bir sıra suallara aydınlıq gətirəcəkdi. Finala qədər çətinlik çəkmədən irəliləyən “Boka Xuniors” və “Milan” bu ana qədər dünyada ən çox titul qazanan iki klub olduğundan (hərəyə 16) qalib gələn şəxsin dünyanın ən güclüsü titulunu qazanmaqla yanaşı eyni zamanda bu göstəricidə də liderliyi ələ alacaqdı. Maraqlıdı ki, tərəflər 12 il bundan öncə də qarşılaşmış (o vaxtlar klublararası dünya çempionatı keçirilmirdi) və cənubi amerkalılar dramatik keçən görüşün sonunda italyanları 3:2 hesabıyla məğlub etmişdi. Lakin “Milan” bu dəfə revanşı artıqlamasıyla aldı. Oyuna sürətlə başlayan italyanlar “Boka”nın daşını daş üstə  qoymadı. Düzdü,  İnzaginın hesabı açmasından dərhal sonra Palasio hesabı bərabərləşdirdi. Lakin, bu “Milan”ı daha da qıcıqlandırdı. 71-ci dəqiqəyə kimi daha 3 qol vuran Karlo Ançelottinin yetirmələri 85-ci dəqiqədə Ambrozinin avtoqoluna o qədər də peşiman olmadılar. Beləliklə, “Milan” 4:2 hesabıyla qalib gələrək   dünyanın ən böyüyü olduğunu sübut etdi. Bundan əlavə “Milan” bu turniri qazanan ilk Avropa klubu olaraq tarixə keçdi.

"MİLAN" NECƏ DÜNYANIN ƏN BÖYÜYÜ OLDU...