MİLLİMİZ İKİNCİ OLDU

Fevralın 28-dən martın 2-dək Çexiyanın Xrudim şəhərində keçirilən futzal üzrə dünya çempionatının seçmə mərhələsində iştirak edən Azərbaycan millisi növbəti mərhələyə adlaya bilməyib. Bir neçə gün əvvəl  Ermənsitan yığmasına 9:1, Finlandiya futzalçılarına isə 4:2 hesabı ilə qalib gələn komandamız son oyunda meydan sahibləri ilə bacara bilməyiblər. Martın 2-də Azərbaycan millisi qrupda son oyununu keçirib. Qarşılaşma Bakı vaxtı ilə saat 23:00-da başlayıb. Komandamızın rəqibi  qrup oyunlarına ev sahibliyi edən Çexiya yığması olub. Millimiz bu qarşılaşmada  2:3 hesabı ilə məğlub olaraq və qrupda ikinci yeri tutub.