MİLLİMİZİN İLK RƏQİBİ ERMƏNİSTAN YIĞMASIDIR

 Fevralın 28-dən martın 2-dək futzal üzrə Azərbaycan yığması Çexiyanın Xrudim şəhərində dünya çempionatının seçmə mərhələsində iştirak edəcək. 6-cı qrupda çıxış edəcək millimizin ilk rəqibi Ermənistan yığması olacaq. Oyun yerli vaxtla saat 17:30-da başlayacaq. AFFA rəhbərliyi millimizin mübarizə aparacağı qrupun oyunlarının keçirildiyi şəhərdə və ətraf ərazilərdə yaşayan soydaşlarımızı komandamıza dəstək olmağa çağırır. 
Xatırladaq ki, komandamızın bütün qarşılaşmaları Xrudim şəhərindəki «Zimni stadion» İdman Kompleksində keçiriləcək. Yığmamızın oyunlarının təqvimini diqqətinizə çatdırırıq:
                    28 fevral
Saat 17:30 Azərbaycan – Ermənistan
                    29 fevral
Saat 17:30 Finlandiya – Azərbaycan
                    2 mart
Saat 20:00 Azərbaycan – Çexiya
Qeyd: Oyunların başlanma saatı yerli vaxtla göstərilib. Qarşılaşmaların onlayn nəticələri ilə operativ olaraq saytımızda tanış ola bilərsiniz.