MOİKLƏ QARŞILAŞACAĞIQ

“Qarabağ” komandası hazırlıqlarını davam etdirir. Milli oyunlarla əlaqədar olaraq yaranmış fasilədən maksimum yararlanmağa çalışan komandamız gündə iki dəfə çalışmalar yerinə yetirir. Sentyabrın 20-si 5-ci tur çərçivəsində

 "Qəbələ" ilə səfərdə qarşılaşacağıq. Çalışdırıcımız Qurban Qurbanovun başçılığı altında  məşq edən komanda premyerliqadakı aranın yetərincə uzun olduğunu nəzərə alıb yoxlama görüşü keçirməyi qərara alıb.

Belə bir qarşılaşma Sentyabrın 13-ü baş tutacaq. Rəqib də artıq bəllidir. Elitanın debütantı  MOİK-lə qarşılaşmamız Suraxanı qəsəbə stadionunda keçirilməsi planlaşdırılır. Bundan əlavə 2-ci bir hazırlıq matçı olması da mümkündür. Bu məsələyə yaxın günlərdə aydınlıq gələcək.