MÜBARİZƏNİ ERKƏN DAYANDIRDIQ...FOTOQALAREYA

“Qarabağ” Futbol Klubu 20072008 mövsümündə Azərbaycan kubokunda yoluna artıq davam edə bilməyəcək. 14 final mərhələsində qarşılaşdığımız “İnter”lə ilk matçda 2:2-lik hesab qeydə alınmışdı. Cavab görüşündə qələbəyə ümid etsək də bəxt üzümüzə gülmədi.

Görüşə tərəflər çox ehtiyatla başladı. İlk 10 dəqiqədə mübarizə meydanın mərkəzində “fırlansa”da qapılar qarşısında real qol təhlükəsi yaratmaq mümkün olmurdu. Matçın ilk real qol vəziyyəti 9-cu  dəqiqədə baş tutdu. Roman Kuello əlverişli mövqeyə çıxsa da qapıçımız Fərhad dəqiq oynadı. Bu vəziyyətdən sonra oyunda ərazi üstünlüyü təmamilə komandamızın tərəfinə keçdi. 16-cı dəqiqədə artıq qol vurmağa yaxın idik. Lakin Murad fərdi ustalıqla rəqibini keçsə də qapıya dəqiq zərbə vura bilmədi. Növbəti qol vəziyyətini isə Vaqif yaratdı. Meydanın mərkəzində Qoran Arnautun səhvindən sonra topu ələ keçirən Cavadov iki müdafiəçini keçib qapıçı ilə təkbətək çıxdı. Lakin forvardın zərbəsi qapının üstündən keçdi. Hücumların davam etdirən komandamız növbəti dəfə Ayxanla qola yaxın olsa da onunda zərbəsi dəqiq olmadı. Və 37-ci dəqiqə. Oyunun ən önəmli anı. Murad Ağakişiyev topu “İnter”li futbolçulatdan oğruyaraq qapıçı ilə təkbətək çıxdı. Lakin, Murad 1 metrdən qapını nişan ala bilmədi. İlk yarının geridə qalan hissəsində hücumlarımızı davam etdirsələrdə qol vurmaq nəsib olmadı.

İkinci yarı başlanır-baslanmaz komandamız ciddi itkiylə üzləşdi. Kapitanımız Aslan Kərimov zədələnərək yerini Qoqa Berayaya buraxdı. Kapitanın yoxluğu komandaya öz təsirini göstərmə bilməzdi. Belə anların birində Elvin Məmmədovun zərbəsi dirəkdən döndü. Lakin komandamız da boş oturmamışdı. Aftandil Haçıyevin cərimə meydançası daxilində zərbəsi qapının yanından keçdi. Şəhriyar Xəlilovun zərbəsində azca dəqiqlik çatmadı. Murad Ağakişiyev də başqa bir epizodda eyni aqibətlə üzləşdi. Vaxt daraldıqca qol vura bilməmə təlaşı qapımızda qolla nəticələndi. Roman Kuello 83-cü dəqiqədə topu qapımızdan keçirdi. Beləliklə, iki oyunun nəticəsinə görə komandamız 3:2 hesabıyla məğlub olaraq  finala 2 addım qalmış mübarizəni dayandırdı.

Oyundan MARAQLI ANLAR