"NEFTÇİ" - "QARABAĞ": HAKİMLƏR

“Neftçi – “Qarabağ” duelinə 2 gün qalmış matçın hakimlərinin adı məlum olub. 25 noyabrda baş tutacaq derbini FİFA dərəcəli hakim Fariz Yusifov idarə edəcək. Xatırladaq ki, Yusifov cari mövsüm “Qarabağ”ın iki matçında ədaləti qorumaqla görəvləndirilib. Avqustun 18-də çempionatın 2-ci turu çərçivəsində baş tutan matçda Suraxanıda “Karvan”a 0:1-lik məğlubiyyəti Yusifov rəsmiləşdirib. Ədalət təmsilçisinin idarə etdiyi digər matçımız kuboka təsadüf edib. Buzovna qəsəbə stadionunda “MKT-Araz” komandası ilə 1/8 final, cavab matçında komandamız 4:0-lıq qələbə əldə edib.

Yusifovun köməkçilərinin də adı məlumdur. Bu önəmli matçda Fariz bəyə Azər Əsgərov və Vaqif Ayvazov yardım edəcək. 4-cü hakim funksiyasını isə Ramiz Əhmədov yerinə yetirəcək.

Digər oyunlara təyinat almış hakimlərlə XII TUR: HAKİMLƏR bölümünə daxil olaraq tanış ola bilərsiniz.