"NEFTÇİ" - "QARABAĞ": OYUN ÖNCƏSİ . . .

"Qarabağ" Futbol Klubu Ölkə Kubokunun 1/8 final, cavab mücadiləsinə hazırlıqlarını davam etdirir. Hazırlıqları intensivləşdirən Klub üzvləri oyuna səylə hazırlaşırlar. İlk oyundakı 1:2-lik məğlubiyyətə baxmayaraq, komanda növbəti mərhələyə çıxacağına inanır. Onların məşqlərdəki istəkli davranışları, mübarizəsi bunu deməyə əsas verir. Futbolçular da oyun öncəsi fikirlərini bölüşməsələr də, bunu proqnoz vermək istəməmələri ilə əlaqələndirdilər. Amma kapitan Aslan Kərimov "krallar mücadiləsi olacaq" deməklə komandanın ümumi əhval-ruhiyyəsini göstərmiş oldu. Futbolçular oyun saatını səbirsizliklə gözləyirlər. Zədəli oyunçuların çoxluğundan asılı olmayaraq, meydana çıxacaq 11 futbolçu "Qarabağ"ın gücünü meydanda göstərəcək... Bütün "Qarabağ" azarkeşlərini 90 dəqiqə ərzində meydanda futbolçularını dəstəkləməyə çağırırıq. Qoy bu oyun "Qarabağ"ın uğurlarına yeni bir töhvə matçı olsun . . .