"NEFTÇİ" TARIXDƏ YENİ SƏHİFƏ AÇDI...

HAFNARFYORDUR(İSLANDİYA) 1 - 2 NEFTÇİ(AZƏRBAYCAN) Qollar: A.Borqvardt,61 ; T.Mişura,51, N.Nəbiyev,77. Dünən ölkə çempionu "Neftçi" İslandiyada yerli "Hafnarfyordur" klubu ilə Çempionlar Liqasının 1-ci təsnifat mərhələsinin cavab matçını keçirdi. Bakıda 2:0 hesabıyla qələbə qazanan flaqmanımızı rəqib meydanında ən pis halda minimal məğlubiyyət də qane edirdi.Amma... Amma "Neftçi" heç bu haqda düşünmürdü. Əvəzində azlıqda qalandan sonra iki qol vuraraq futbol tariximizdə yeni səhifənin də təməlini qoymaqla nəyə qadir olduğunu bir daha sübut etdi. Hər şey ikinci hissədə həll olundu. 51-ci dəqiqədə Aqil Məmmədovdan ötürmə alan Mişura hesabı açdı. 10 dəqiqə sonra islandlar hesabı bərabərləşdirsə də, Nadir Nəbiyevin ikinci qolu rəqib qapısında keçirdi... Azərbaycan futbolunun flaqmanı olan "Neftçi" PFK-na növbəti mərhələdə də analoji uğur arzulayırıq.