NƏTİCƏSİZ GÖZƏL OYUN

Dünya çempionatının seçmə mərhələsi çərçivəsində 5-ci qrupda da ilk oyunlar keçirildi. Hamının diqqəti isə Ermənistan - Türkiyə matçında idi. Əvvəlcədən də gözlənildiyi kimi, qitə çempionatının bürünc mükafatçıları İrəvandan qələbə ilə döndülər. Sonuncu Avropa çempionu İspaniya yığması isə çətinliklə də olsa, Bosniya və Herseqovina üzərində qələbə qazandı. 1:0… Visente del Boskenin rəhbərliyi altında ilk rəsmi matçını keçirən “buğalar” bununla da məğlubiyyətsiz oyunlar seriyasını 24-ə çatdırdılar. Qrupun güclü komandalarından Belçika da Estoniyanı 3:2 hesabı ilə məğlub edərək seçmə mərhələyə 3 xalla başladı.

Eyni zamanda Azərbaycan millisi də Uels millisi ilə üz-üzə gəldi. Komandamız meydanda inamlı mübarizə apardı. Qapımıza təyin olunmuş 11 metrlik cərimə zərbəsini qapıçı Kamran Ağayev dəf etsə də komandamız məğlubiyyətdən yaxa qurtara bilmədi. Oyunun sonlarına yaxın isə millimiz növbəti zərbəni aldı. Meydanda 10 nəfərlə mübarizə aparan komandamız bərabərliyi sona qədər qoruya bilmədi. Oyun 1:0 hesabı ilə məğlub oldu.