NİYƏ DƏ OLMASIN?!

Həyatda mümkün olmayacaq heç nə yoxdur. Sadəcə istəmək, arzulamaq və həmin məqsəd uğrunda çalışmaq lazımdır. Bu amallara qovuşmaq üçün ilk növbədə düşünülmüş strategiya və və uyğun zaman lazımdır. “Qarabağ” Futbol Klubu rəhbərliyi də məhz sadaladığımız prinsipləri əsasında klubumuzu dünya standartlarına cavab verəcəyi səviyyəyə  qaldırmaq mükəmməl struktur və futbol uğurları qazanmanılmasının sadəcə yaşıl sahədə oynanılan topla olmadığını gözəl başa düşür. “Qarabağ” Futbol Klubu nəinki sadəcə bir komandadır. “Qarabağ” adı boyda nisgil daşıyan bir şüardır, amaldır. Bu məqsədlə atacağımız hər bir addım da məhz adına sığmayan “Qarabağ” dünyaya açılmasında zamanın, arzunun və tələbin üst-üstə düşməsi çox önəmlidir. Artıq zaman yetişir. “Qarabağ” FK aramla, eyni zamanda sürətlə böyüyür. Bu  gün çempion olub sabah “gün” saymaqdansa bu anı sabahın möhtəşəm gələcəyə bir sərmayə olması bir qədər əziyyətli olsa da, vaxtında dəyməyən meyvəni yeməkdən heç vaxt həzz ala bilməzsən.

Yəqin, son günlərdə Azərbaycan və Türkiyə mətbuatını zəbt etmiş xəbərlərlə tanışsınız. “Qalatasaray”la UEFA kubokunu, Türkiyə millisi ilə 2002-ci ildə  keçirilmiş dünya çempionatında bürünc medalları qazanmış, ölkə futbolunun gəlmiş-keçmiş ən yaxşı oyunçularından sayılan Həsən Şaşın “Qarabağ”a gələcəyi ilə bağlı xəbərlər gündəmdən düşmür. Əslində, çoxları bu xəbəri ağlasığmaz saysa da, yenə də deyirik, həyatda mümkün olmayan bir şey yoxdur. “Qarabağ” FK rəhbərliyinin məqsədi sadəcə Həsən Şaşla kifayətlənmək deyil. “Qarabağ” FK-nın rəhbərliyinin də məqsədi “Qarabağ”a Həsən Şaşlar cəlb etməklə “Qarabağ”ı dünya sferasına çıxarmaqdır. Amma qeyd etdiyimiz kimi, meyvə vaxtında dərilməlidir. “Qarabağ” FK rəhbərliyi üçün meyvəni budaqdan dərk etmək üçün heç bir problem olmaz. Amma, bəlkə də meyvə artıq yetişib. Xəbərimiz yoxdur. Bəlkə də var? Niyə də olmasın? Bir az da gözləyək. Az qaldı...

Bir düşünün. Azərbaycan futbolunun sabahı sayılan Maksim Medvedev, Rauf Əliyev, Şəhriyar Xəlilov Hasan Şaşla eyni komandada Azərbaycan futbolunun sabahı olan “Qarabağ”da top qovur. Bu gənclərin Braziliya millisinin qapısından top keçirmiş Hasanla “Qarabağ” formasında qol sevinci yaşamasına tezliklə görəcəyik. Az qaldı...