NÖVBƏTİ GÖRÜŞLƏR...

Növbəti qarşılaşmalar... İtaliya-Rumıniya və Hollandiya-Fransa... İlk olaraq italyanlarla rumınlar üz-üzə gəldi. Azarkeşlər çox maraqlı qarşılaşmanın şahidi oldu. Komandalar hesabı açmaq uğrunda amansız mübarizə aparırdılar. İtaliyanın hesabı açmaq üçün real qol imkanları daha çox olsa da onlar bu şanslardan yararlana bilmirdilər. İlk yarı 0:0 hesabı ilə başa çatdı. İkinci hissədə rumınlar daha da fəallaşdılar. Bu da öz bəhrəsini verdi.55-ci dəqiqədə Mutu Rumıniyanı hesabda irəli çıxardı. Amma rumınların qol sevinci çox sürmədi. 56-cı dəqiqədə Panuççi bu qolun əvəzini çıxdı. Bu qarşılaşmada hesab fərqli ola bilərdi. Mutu hesab arasında fərqi artıra bilərdi. Lakin o ələ düşən fürsətdən yararlana bilmədi. 81-ci dəqiqədə Buffon qapısına təyin olunmuş penalti zamanı ustalıq nümayiş etdirərək komandasını məğlubiyyətdən qurtardı.

İTALİYA - RUMINİYA... 1:1...

Günün ikinci qarşılaşması Hollandiya-Fransa milliləri arasında keçirildi. Bu oyuna qədər adı çəkilən komandalar 21 dəfə üz-üzə gəlib. Bu qarşılaşmaların 9 dəfə hollandlar 8 dəfə isə fransızlar qələbə qazanıblar.4 oyunda isə heç-heçə qeydə alınıb. Dünənki qarşılaşmada isə Hollandiya üzü gülən tərəf olub. 4:1 hesabı ilə fransızları darmadağın edən hollandlar adını 1/4 finala yazdırdılar.

HOLLANDİYA - FRANSA... 4:1...