NÖVBƏTİ HAZIRLIQ GÖRÜŞÜ

“Qarabağ”  komandası 20082009 mövsümünün hazırlıqlarını davam etdirir. Gündə iki dəfə  olmaqla Suraxanı qəsəbə stadionunda məşq edən komandamızda əla əhval – ruhiyyə hökm sürür. Beləki, komandamızda zədəli futbolçuların olmaması texniki heyəti sevindirməyə bilməz. Komandamızın yeni legionerləri Artim Şakiri, Zekeriyya Ramanzani, Sedat Şahin və Muammer Erdoğdu da komandanın düşərgəsinə qoşulub.

2 gün öncə Bakıya gələn Konqo əsilli Fransa vətəndaşı Neny Bihombele də komandayla məşq edir. Komandanın baş məşqçisi Rasim Kara bu futbolçu haqqında keçiriləcək yoxlama oyunlarından sonra qərar verəcək. Yeri gəlmişkən, komandamızın Bakıda keçirəcəyi ilk yoxlama oyununun taleyinə aydınlıq gəlib. Belə ki, İyulun 30-unda komandamız “Olimpik”in əvəzediciləriylə görüşəcək. Oyun saat 18:30-da keçirilməsinin planlaşdırıldığını da qeyd edək. Digər yoxlama oyunu isə Avqusutun 2-si keçiriləcək. Bununla da komandamız mövsümöncəsi sonuncu yoxlama oyununu keçirib ilk turun oyununu gözləməyə başlayacaq.

Sonda onu da bildirək ki, bu gün komandamıza daha bir legioner qoşulacaq. Bolqarıstanın “ÇSKA” klubunun şərəfini qoruyan Stoyko Marinov Sakaliev hüçumcudur. 29 yaşlı futbolçu Bolqarıstan millisinin 4 dəfə formasını da geyinib.