NÖVBƏTİ HAZIRLIQ MATÇI

"Qarabağ" Futbol Klubu yeni mövsümün hazırlıqlarını davam etdirir. Komandamız çempionat yaxınlaşdıqca hazırlıqlarını tamamlamaq üzrədir. Bu gün komandamız sonuncu iki yoxlama matçın ilkini həyata keçirib. "Olimpik"in əvəzedicilərinə qarşı komandamız ilk yarıda bu heyətlə mübarizə aparıb. Sahil, Zaur, Muhammet, Zekeriyya, Azər, Aslan Şakiri, Ayxan, Murad, Neny, Sakaliyev.

 Gözlənildiyi kimi qarşılaşma bütünlüklə komandamızın üstünlüyü ilə keçib. Daha çox gəlmələri sınayan komandamızda ilk qolu elə legioner vurub. Sakaliyev hesabı açıb. Ardınca Muhammet 35 metrdən əla qola imza atdı. İlk yarıda "Olimpik"in gəncləri də fərqləndi. Samir Qurbanov baxımlı qola imza atıb ilk yarıda hesabı müəyyənləşdirdi.

İkinci yarıda başdan--başa dəyişən komandamız bu heyətlə mübarizə aparıb. Osman, Timur, Muammer, Hüseyn, Bayram, Namiq, Əfran, Viktor, Sedat, Rauf, Vaqif. Bu dəfə komandamız daha rahat oynayıb. Sedat Şahinin vurduğu 2 qolla yanaşı Bayram Kərimov və Vaqif cavadov da fərqlənib. Beləliklə, komandamız meydandan 6:1 qələbə qazanaraq ayrılıb.