"OLİMPİK"Ə HEÇ VAXT MƏĞLUB OLMAMIŞIQ

“Qarabağ” Futbol Klubu “Olimpik”lə matçın hazırlıqlarını davam etdirir. Bu gün bir çalışmayla kifayətlənəcək komandamız artıq bazaya yığışacaq. Komanda artıq “Olimpik”ə çempionatda ilk yenilgisini yaşatmağa hazırdır. Ümumiyyətlə, “Olimpik” bizim üçün hər zaman uğurlu rəqib hesab olunur. Elitaya 2 il bundan öncə vəsiqə qazanmış “Olimpik”ə heç vaxt məğlub olmamışıq. İlk qarşılaşmamız 2005-2006 mövsümünə təsadüf edib. Komandamız 2:1 hesabıyla yendiyi matçın revanşında “evdə” rəqibini yenik duruma düşməsinə rəğmən 3:2 hesabıyla məğlub edə bilib. Ötən il baş tutan qarşılaşmalarda isə tərəflər qələbəyə sevinə bilməyib. İlk dövrədə baş tutan matçda hesabı açsaq da sonda tərəflər hərəyə bir xal qazanmışdı. Cavab görüşündə isə qapılara qol vurulmadı. Qeyd edək ki, ötən mövsümün dövrəarası dönəmində də “Olimpik”lə qarşılaşmış və 3:1 hesabıyla qalib gəlmişdik.

Ümumi balansa nəzər salsaq, 4 dəfə rəsmi matçlarda qarşılaşdığımız “Olimpik”i 2 dəfə məğlub edib, eyni sayda isə 1 xal qazandığımızı görərik. Başqa sözlə, tariximizdə heç vaxt “Olimpik”ə məğlub olmadığımız "Olimpik"i yemək bizim üçün çətin deyil...