ÖLKƏ KLUBLARININ SAYT MOZAİKASI: BAXMAĞA DƏYƏRMİ? (FUTBOL+, 08 MART, 2005)

Azərbaycan VEB məkanında ən yaxşı futbol saytı adını əminliklə "Qarabağ"ın rəsmi səhifəsini vermək olar.Ana dilimizlə yanaşı, rus və ingiliscədə "danışan səhifədə çoxlu maraqlı informasiya və xidmətlərə rast gəlmək olar. Mövsüm, turnirlər, komanda, tarix, qalereya, azarkeş və başqa bölmələrdə yetərincə maraqlı bilgilər toplanıb.Saytda komandanın əsas və əvəzedici(87,88,89,90,91,92-ci illər) heyətinin tam siyahısı, çempionatın və ölkə kubokunun gedişi, klub tarixi, stolüstü şəkillər, ekran qoruyucuları yer alıb.Ən maraqlı məqam isə, "videoqaleriya" bölməsində Ağdam klubunun bütün qollarının videoyazısının təqdim olunmasıdır. Videogörüntülərin çox rahat və tez yüklənməsi ziyarətçilərin işini asanlaşdırır.Saytda yer alan əsas bölmələrdən biri də azarkeşlər üçün nəzərdə tütulmuş forumdur..Sayt müntəzəm yenilənir və mətbuatda klub haqda gedən yazılar və xəbər arxivi istifadəçilərə hadisələrin axarında olmaq imkanı yaradır.