ÖLKƏ KUBOKU: PÜŞKATMA !

AFFA-nın mənzil qərargahında növbəti ölkə kubokunun püşkatması oldu. Ötən ildən fərqli olaraq, Ölkə Kubokunun sahibi "Qarabağ" Futbol Klubu oyunlara 1/16 final mərhələsindən start verəcək. Komandamızın rəqibi Birinci dəstə təmsilçisi MOİK klubu olacaq. Bu mərhələni keçdiyi təqdirdə isə komandamız "Bakı-2" - "Neftçi" cütünün qalibi ilə növbəti mərhələdə qarşılaşacaq. Komandamızın yer aldığı qrupda yüksək dəstə təmsilçilərindən "Neftçi" ilə yanaşı, "Karvan", "MKT Araz", "Turan" , "Olimpik" klubları da yer almışlar. Bu klublar bir bölümdə yer aldığından finalda bir-biri ilə oynamaq şansları yoxdur. Əvəzində "İnter", "Gilan", "Şahdağ", "Bakı", Xəzər L" klubları komandamızla yalnız Final mücadiləsində qarşılaşa bilərlər.