"OYUN QAYDALARI, HAKİMLİK" MÖVSUZUNDA SEMİNAR

Bu gün "Qarabağ" Futbol Klubunun bazasında "Oyun qaydaları, hakimlik" mövzusunda seminar keçirildi. Seminarda "Qarabağ" Futbol Klubunun əsas, əvəzedici və aşağı yaş qruplarında çıxış edən futbolçuları, məşqçilər heyəti, eyni zamanda AFFA nümayəndləri - Asim Xudiyev və Nizami Şərifov iştirak edirdilər...
Qısa nitqlə seminarı açıq elan edən "Qarabağ" FK Baş Məşqçisi Rasim Kara müasir futbolda hakimlik mövzusunun aktuallığnı nəzərə alaraq belə bir seminarın keçirilməsini alqışladı. Belə seminarların meydanda futbolçu - hakim münasibətlərinə müsbət yöndə təsir edəcəyini dilə gətirdi. Sonra Asim Xudiyev çıxışına başladı. O, ilk öncə oyun qaydalarındakı son dəyişikliklər haqqında futbolçuları bilgiləndirdi. Nizami Şərifov isə gənc futbolçulara futbol, meydan, top ölçüsü və s. haqqında qısa bilgilər verdi.
Bundan sonra seminarın əsas hissəsinə keçildi. Bu bölümdə oyun epizodları, oyundan kənar vəziyyətlər, sərbəst və cərimə zərbələri, penaltilər haqqında söhbətlər olundu. Sarı və qırmızı vərəqlərin hansı epizodlarda verilib verilməməsi də söhbət mövzusuna çevrildi. Bütün bu mövzuların müzakirəsi zamanı futbolçuların bilavasitə müşayəti ilə davam etməsi seminara daha da rəng qatdı. Futbolçular hansı epizodda oyundan kənar vəziyyətin olması, aktiv və passiv oyundankənar vəziyyətlər, passiv halın aktivləşməsi, künc zərbəsi, qapıçının oyuna topu daxil eləməsi halında oyundankənar vəziyyət halları da müzakirə olundu. Maraqlı mövzulardan - penalti halında futbolçunun ötürmə edə bilməsi, qapıçının topu oyuna daxil eləməsi halında külək amili, yandan əllə topun oyuna daxil edilməsi halında qapıdan keçməsi və s-də müzakirə olunan məsələlərdən oldu....
Seminar maraqlılığı ilə seçildi və gələcəkdə də belə seminarların keçirilməsi istənildi....