PATALYA. 3-CÜ GÜN. BİR MƏŞQ

“Qarabağ”  Futbol Klubu Qızılcahamamda hazırlıqlarını davam etdirir. Təllim-məşq toplanışının 3-cü günüdə komandamız günü bir məşqlə “bağlamalı” olub. Hər zaman oldugu kimi səhər məşqi yerli vaxtla 10:30-da start götürüb. Komandamız ənənəvi olaraq isinmə hərəkətlərindən sonra 15 dəqiqəlik kross qaçıb. Ardınca isə uzun məsafəyə qaçışla bərabər komandamız toplu hərəkətlər daha dəqiq desək uzaqdan zərbələrə əsaslanan təmrinləri yerinə yetiriblər. Komandamızın istəkli və dəqiq olması texniki heyətin alqışını qazanıb.  Məşqin sonuncu bölümü isə 2 tərəfli oyuna həsr olunub. Bu oyun 2  15 dəqiqəlik hissələrdən ibarət olmaqla  30 dəqiqə oynanılıb. Sabah komandamızda futbolçuların normativ verəcəyini nəzərə alan texniki heyət günün ikinci çalışmasını ləğv edib. Xatırladaq ki, sabah kı normativ futbolçuların ümumi fiziki hazırlığının durumunu müəyyənləşdirəcək.

Komandamızda baxışda olan legionerlər Güvən Kocabal, Muammer,  Abdullah Kurt da hazırlıqlarsda iştirak edir. Onların taleyinə yaxın zamanlarda keçiriləcək yoxlama oyunlarında aydınlıq gələcək. Bu arada komandamıza daha bir legioner qoşulub. 22 yaşlı Ersin Yildiz türkiyəli olmasına baxmayaraq, karyerası boyunca ancaq İsveçrə klublarının formasını geyinib. “Bazel” Futbol Klubunun yetirməsidir. Sol cinah yarımmüdafiəçisidir.

Yildiz komandamızın düşərgəsinə qoşulacaq sonuncu legioner deyil. Qarşıdakı, bir neçə gündə nəinki baxışa gələn, komandamızın müqavilə bağladığı legionerlərin adlarını saytımızdan öyrənə biləcəksiniz...